-
Mozilla Thunderbird Mozilla fundazioaren e-posta bezeroa da. Thunderbird plataforma-anitza da eta software librea da. Mozilla Firefox-en ondoren hasitako proiektu bat da. Posta bezeroaren hirugarren bertsioa duzue honakoa. Aurreko bertsioarekin alderatuz, aipatzekoa erreminta tresna-barran dituen berrikuntzak. Erantzun, birbidali eta beste aginduen ikonoak lekuz aldatu dituzte, orain ez daude goialdean irakurtzen gabiltzan mezuaren gainean baizik. Horrela, mezuak kudeatzeko eragiketak erraztu eta arindu dituzte.
Zazpi zailtasun mailen artean aukeratu ahal izango duzu Internet bidezko joku honetan. Kalitatezko interfaze grafikoarekin eginda dago eta aukeran ditu bai bi dimentsiotako bistak eta baita hiru dimentsiotakoak ere. Xakean jokatzeko Windows sistema eragilea izan beharko duzu, DirectX 8, 300 MHzetako prozesadorea eta 4 MB-ko bideo txartela. Lau hizkuntzatan jokatu dezakezu: Ingelesez, Gazteteraz, Katalanez eta baita euskaraz ere.
Datu base hau 1995ean Bertsozale Elkarteak argitaratu zuen Joanito Dorronsorok urteetan bildu eta sailkatutako Bertso Doinutegiaren eguneraketa da. Momentu honetan 2775 doinuz osatuta dago eta aurrerantzean eguneraketak automatikoki egingo dira, horretarako "Iradokizunak" atala jarri da zuen zuzenketa, aholku etab. jasotzeko. Bertso doinutegiaren nondik norakoak jakin nahi izan ezkero kontsultatu ezazue J.Dorronsorok 1995ean Bertso Doinutegia libururako egindako hitzaurrea.
