Euskarazko software katalogoaren behatokia, euskararen presentzia interneten aztertzeko gunea izateko helburuarekin jaio da, bertan, interneten euskaraz topa daitezkeen dokumentu kopuruaren bilakaera aurkezten da, eta konparaketak zein azterketa sakonagoak egin ahal izateko, hainbat hizkuntzen bilakaera ere eskaintzen da.

Gaur egun, behatokian, euskaraz gain, beste bost hizkuntzen datuak ere aurkitu daitezke; katalana, galegoa, gaztelania, frantsesa eta ingelesa, hauek izanik hurbilen ditugun hizkuntzak.

Datuak lortzeko ondoren azaltzen diren bi iturri erabili dira:

• Alltheweb (http://www.alltheweb.com): hainbat hizkuntzetan bilaketa egiteko aukera ematen duen bilatzailea. Bilaketak egiteko irizpidea "eta" hitzaren bilaketa egitea izan da, hizkuntza guztietan hitz arruntena kontsideratu daitekeelako. Horrela izanik, katalanez i bilatu da, gailegoz e, gaztelaniaz y, frantsesez et eta ingelesez and.

• Open directory project (http://dmoz.org/World): Interneten topatu daitezkeen dokumentuak biltzen duen direktorioa, dokumentu hauen klasifikazio bat egiten du hizkuntzaren arabera, hizkuntza bakoitzean zenbat biltzen dituen adieraziz.