Librezale.org wikian proiektu txikien itzulpenen atala zabaldu dute. Hasteko, eskuragarri jarri dituzten Gnome applet pare baten itzulpenak: Gnome INM eta MintMenu.

Goizean Bloglinesko kontua aztertzen ibili gara, hor eta hemen zer kontatzen den jakiteko asmoz. Teknosexuan aipatzen den bezala, prisak edo amaitzeko gogoak eraginda, begi-bistan izan dugun berri bakoitzari 10 segundoko arretarik ere ez diogu eman. Gerotxoago, kasualitatez, beste gauza baten bila gabiltzala, haritik tiraka,  Google ospetsuaren erabilera anitzak zer nolako  gauzak ahalbidetzen dituen irakurri dugu Hernan Casciariren blogean. Minutu bat eskaintzeko prest bazaudete, Google erabiliz ligatzea ere posible dela ikusiko duzue... .