DESKRIBAPENA
Gune honen bidez euskarazko softwarearen berri eduki ahal izango duzu katalogoan kontsultak eginez, edo katalogoa osatu ahal izango duzu dagokion fitxa beteaz. Gainera, euskarazko software munduaren inguruan gertatzen diren albisteak ezagutuko dituzu eta euskararen egoera zein bilakaera interneten aztertu ahal izango duzu. Egun euskaraz erabil daitekeen softwarea ezagutarazteko asmoz prestatu dugu Euskarazko Software Katalogo hau. Bilketa-lan hau egitea funtsezkoa iruditu zitzaigun euskarazko softwarearen ezagutza eta erabilpena bultzatzeko eta ekoizpenean dauden esperientziak zein arazoak planteatzeko. Bide batez, gaur egun euskarazko softwaregintzan dauden hutsuneak nabarmentzeko tresna ere izan daiteke. 1996 irailean, UEUko Informatika Sailak antolatutako Informatikari Euskaldunen I. Topaketen inguruan zabaldu genuen katalogoan parte hartzeko deia. Horrez geroztik UEUk datu-basea eguneratzeko ardura hartu du. Web gune hau kontsultak bideratzeko tresna izateaz gain, eguneraketak bideratzeko bidea eroso eta eraginkorrena ere bada. Ohiko programa eta eduki-aurkezpenez (CD/DVD/diskete...) gain Internetetik jaits daitezkeen programak eta Interneteko zerbitzu batzuk ere sartu dira, gero eta gehiago betetzen baita sarea konputagailua esaldia. Dena den, Interneteko edukiak bilatzeko tresna egokiagoak badaudenez gero (aurki, jalgi, google,...) Interneteko tresna ahaltsu dinamikoak baino ez dira sartuko. Euskarazko softwaregintzarekin lotuta dauden albisteak (martxan dauden proiektuak, ikastaroak, produkzio arazoak...) ezagutzeko, Azken berriak sekzioa gehitu dugu eta behatoki bat, bertan, euskararen egoera interneten edo bere bilakaera aztertzeko aukera emanez.
Zer bilatu/sartu
Zer sartu eta zer ez zehaztea ez da batere erraza baina ondoko puntutan hurbildu daiteke: Programak/tresnak CDn, DVDn, disketean etab.ean banatzen diren tresna guztiak. Interneten jaisteko dauden euskarazko tresna guztiak. Interneteko bilatzaile/datu-base garrantzitsuenak. Edukiak Interneteko eduki estatikoak ez dira sartuko. Euskarri magnetiko/optikoetan banatzen direnak aldiz bai.
Kategoriak
Katalogoko edukiak sailkatzeko orduan www.softcatala.org erabili dugu erreferentzia gisa, dena den, gure beharretara moldatu izan dugu haien sailkapena. Aurreikusi diren kategoriak hauek dira: Bulego aplikazioak: testu-prozesatzaileak, kontabilitatea, ... Aisialdia:musika, jokoak,... Hizkuntza:itzultzaileak, zuzentzaileak, hiztegiak,... Interneten aritzeko:nabigatzaileak, e-postako programak, bilatzaileak... Tresna orokorrak:sistema eragileak, datu-baseak, ... Irakaskuntza:irakaskuntzarako egindako edukiak eta tresnak, zientziaren inguruko edukiak eta tresnak,... Dokumentazioa: softwareari buruzko dokumentazioa, manualak, tutorialak... Bestelakoak: aurreko multzotan sartzen ez direnak. Zein kategoria hautatu behar den batzuetan ez dago argi, dena den egileei egokien iruditzen zaiena mantentzen saiatuko gara. Datu-basearen kontsulta erabilgarri izan daiteke lan horretan.
ESKULIBURUA
Kontsultak nola egin
Hiru modu nagusi daude kontsultak egiteko: Direktorio moduan:produktuak eremu edo kategorietan sailkatuta daude eta hauetakoren bat hautaturik dagozkion produktuak ikusi daitezke. Bilaketa arrunta:hitz gako bat sartuta bilatzeko eremuan, datu-base osoko produktuen izenetan, deskribapenetan eta egiletan bilatzen da. Bilaketa aurreratua:datu-basearen edozein eremuren arabera bilatzeko aukera eskaintzen du. Eremuak ondoko azpiatalean azaltzen dira.
Katalogoa nola osatu
Katalogoa osatzeko fitxa bat bete behar da, fitxaren eremuak ondoko sekzioan azaltzen direlarik. Edozeinek bete dezake fitxa, baina behin osatu ondoren UEUren onespena behar du kontsulta-gai egon dadin. Arazoak baleude UEU jarriko litzateke harremanetan produktuaren egileekin bere erabakiak argitzeko asmotan.
Datu-basearen eremuak
Hauek dira datu-basearen eremuak: Izena:programaren, zerbitzuaren edo euskarriaren izen komertziala. Arloa:sailkatzeko kategoria. Esan bezalahauek dira: Bulego aplikazioak:testu-prozesatzaileak, kontabilitatea, ... Aisialdia:musika, jokoak, ... Hizkuntza:itzultzaileak, zuzentzaileak, hiztegiak, ... Interneten aritzeko:nabigatzaileak, e-postako programak, bilatzaileak ... Tresna orokorrak:sistema eragileak, datu-baseak, ... Irakaskuntza:irakaskuntzarako egindako edukiak eta tresnak, zientziaren inguruko edukiak eta tresnak, ... Dokumentazioa:softwareari buruzko dokumentazioa, manualak, tutorialak... Bestelakoak:aurreko multzotan sartzen ez direnak. Azalpen laburra:produktuaren deskribapena. Eskuratzeko modua: CD, DVD, diskete, ... :Tresnan euskarri magnetiko/optiko batean banatzen denean. Jaisteko aplikazioa:Ordenadorean instalatzeko programa Interneten eskuragarri dagoenean. Kasu honetan dagokion URLasartu beharko da. Interneteko zerbitzua: Interneteko zerbitzari batean exekutatzen den bilatzailea, datu-basea, ... Kasu honetan dagokion URLa sartu beharko da Egilea: garatu duen enpresa/pertsonaren izena. Banatzailea:eskuratzeko modua Internet ez denean, saltzen/banatzen duen zehaztasuna jarriko da. Banatzailearen posta elektronikoaren helbidea eta web gunearen URLa gehi daiteke. Jatorria:egileak sortua edo beste produktu baten lokalizazio/itzulpena. Merkaturatze-urtea:noiztik saldu/eskuratzen den. Salneurria eurotan:dohain bada ez bete. Plataforma:Interneteko zerbitzua denean ez da beteko, bestelakoetan bat baino gehiago hauta daiteke: Windows95/98/Me... WindowsNT/2000/XP.. Macintosh Linux MS-DOX Bestelakoa Erabiltzeko baliabide minimoak: aurrekoa bezala ez da beteko Interneteko zerbitzua denean, bestela tresnarako behar den memoria eta bestelakoak zehaztu dira. ISBN/ISSN:erregistratuta baldin badago, dagokion kodea.
Nola eskaini nire produktua software katalogotik
Produktu bat jaisteko aplikazioa denean , bere fitxa bete ondoren, egileari aukera ematen zaio produktuaren fitxategiak Software Katalogoaren zerbitzarira igotzeko eta atzigarri utzi beste erabiltzaileentzako. Horretarako agertuko zaion galderari (ea fitxategia software katalogotik jaisteko aukera eman nahi duen) baietz erantzun behar dio eta prozesua burutzeko agertuko zaion informazioa jarraitu.
Nola jaitsi produktuak software katalogotik
Produktu bat Euskarazko Software Katalogotik jaistea posible denean bere fitxan edo zerrendan, bere izenaren ondoan, ondorengo ikonoa agertzen da;eta bere gainean klik eginda, jaisteko prozesua martxan jarriko da. Bestelako kasuetan, jaisteko aplikazioa denean eta esandako ikonoa agertzen ez denean, egileak edo banatzaileak emandako helbidera (jaisteko helbidea) jo beharko da.
Informatika-euskara erlazioaren azterketa
Informatika eta euskararen erlazioari buruzko informazioa lortzeko, Euskarazko Software Katalogoak bi zerbitzu eskaintzen ditu: Azken berriak: euskarazko softwareekin lotuta dauden albisteak biltzen dituena, esate baterako, martxan dauden proiektuak, ikastaroak, produkzio arazoak,... . Behatokia:euskararen presentzia interneten aztertzeko gunea izan nahi du. Bertan, interneten euskaraz zein hainbat hizkuntzetan topatu daitezkeen dokumentu kopuruaren bilakaera eskaintzen dira. Behatokiari buruz gehiago jakiteko klikatu HEMEN