Ohiko Euskal Mintzamoldeen Antologia

Antologia hau Euskaltzaindiak euskeraren hizkuntza atlasa egiteko bildu dituen dokumentuez baliaturik gauzatu da. Ez da, haatik hizkuntzalari eta euskalarientzako bakarrik egina; euskaldun guztientzat egin da, euskarak dituen musika guztiak entzuteko eta ezagutzeko. Ikastoletan, irratietan, etxeetan...entzun ahalko dira euskal mintzaiaren ohiko soinu desberdinak. Antologia lau disko konpaktoetan emanikako entzungaiez osatua da: lehen disko konpaktoan Bizkaiko eta Arabako herrietako inkestetako pasarteak entzun ahal dira; bigarrenean, Gipuzkoakoak; hirugarrenean, Nafarroa Garaikoak eta Lapurdikoak eta, azkenik, laugarrenean, Nafarroa beherekoak eta Zuberoakoak. Baina maiz, testuingurutik atereak diren solasak ager daitezkeenez, entzulea laguntzeko, liburuxka baten idatzi dugu disko konpaktoetan entzuten dena.